Elgoibar 1742ko abuztuaren 12an jaiotako musikari gipuzkoarra.
Bizitza gehiena Mexikon eman zuen, organo jole eta konpositore bezala lan egin zuelarik. Thomas Stanforden arabera, bere lan gehienak Mexiko eta Pueblako katedraletan gordeta omen daude, besteak beste, Beatus vir (1775), Hymnus ad vesperas, Magnificat (1775), Te Deum, Terceto al nacimiento del Niño Dios edo Vísperas para la festividad de la Preciosísima Sangre de Nuestro Señor Jesucristo (1775). Eresbilen aretoko orkestra eta 3 ahotsetarako Laudate Dominun delakoa gordeta dago, eta horrekin batera Isaac Garcia Contreras ek 4 ahots eta organorako egindako Laudate Dominun-en moldaketa.
- STANFORD, T.: Cruzalaegui [Cruzaley, Cruzealaegui, Cruzelagui], Martín Francisco de. In Casares, E. (zuz.), Diccionario de la Música Española e Hispanoamericana (4. alea, 223-224 or.). [Madril]: Sociedad General de Autores y Editores, 1999.
- ERESBIL: Partituras de música vasca: catálogo. Kontsulta Eresbil-en.