Idazle gipuzkoarra, 1857an Zizurkilen jaioa eta Santa Feko Rosarion (Argentina) 1910ean zendua.
Bertsolarien leinu ospetsu bateko kide, Pedro Mari Otaño -"Errekalde Zarra"- bezala ezaguna zenaren iloba zen eta Joxe Bernardo Otañoren biloba.
Lehenengo Donostiara eta geroago Ameriketara joana, Buenos Airesen "Laurak Bat"en euskara irakasle bezala dihardu. 1906an bere Artzai mutila opera argitaratzen du, Felix Ortizen eta San Pelayoren musikaz, argentinar hiribilduko Victoria antzokian estreinatuz. 1904an, Donostian 1930ean berrargitaratuko ziren Alkar izeneko olerki-hautaketa argitaratu zuen. 1959an, "Kuliska Sorta"ko 31-32 alean, irakurleari, sarreraz gain 33 olerki dituen bere poesiei buruzko alea eskaintzen dio.
Koldo Mitxelenaren ustez "Sus versos, cuya calidad no mejoró la ilustración que fue adquiriendo en América, tienen una elegancia natural y una altura discreta. La nostalgia del país natal es uno de los temas que trató con soltura y sentimiento". [Historia de la Literatura Vasca, 133 orr.].
G. Garrigak dio: "El libro [Alkar] es mucho más hermoso de lo que estos versos sugieren [los que cita]: su lenguaje es correcto, fácil y abundante, ni se acordaba de formar neologismos como barjakindea, "la conciencia"; araudea, "la justicia", "el derecho" ("Boletín Americano de Estudios Vascos", 1955, 161.).
2010ean ezagutzera ematen da eskuz idatzitako Pedro Mari Otañoren koadernoa. Bertan, Buenos Aireseko Laurak-Bat elkartean 1904an sortutako Euskarazko Katedran eskainitako saioetan erabili zituen hiztegia eta gramatikari buruzko oharrak ageri dira.
Honako artikulu hau oraindik ez da entziklopedia honetan euskaraz landu. Eusko Jaurlaritzak argitaratutako Bidegileak bilduman informazio gehiago eskura dezakezu Pedro Mari Otañori buruz.
