Bai arkitekturaren aldetik eta bai eskulturaren aldetik, Armentiako basilika Arabako obrarik gorenena da, Estibalitzeko santutegiarekin batera. Bere egitura aldatua egon arren erromanikoaren aparteko lana da. Eskultura lanak dira agian balore gehien dutena, Gaztela Leon, Nafarroa eta Errioxako eskultura erromanikoaren korronte berean daudelako, Santo Domingo de Siloseko erliebeekin eta Lizarrako San Mikelen elizako portadarekin alderatu daitezkelarik.