Espainiako Gerra Zibila amaituta Parisera erbesteratu zen, eta, beranduago, Le Havre hirira lekualdatu zen, Amerika aldera itsasoratzeko. Baina 1940an Frantziako mugan atxilotu zuten, eta Ondarretako presondegian sartu zuten. Bertan, presoei arreta ematen zien mojen ordena fundatu zuen Rafols Amaren hainbat koadro margotu zituen. 1941ean, Madrileko Porlier presondegira eraman zuten, eta bertan ere koadroak margotzen jarraitu zuen; Cabeza de vasco eta La virgen de los artilleros obrak bertan margotu zituen. Hil aurretik hiru ipuin idatzi zituen; alaba bakoitzari egokitutako ipuin tradizionalak ziren, marrazkiak eta ilustrazioak barne. 1942an exekutatu zuten Porlier presondegian, errebelamenduari laguntza emateagatik salatu eta gero.
AEC