Historians

Portillo Valdes, Jose Maria

Historialaria, 1961ean Bilbon jaioa.

1985ean Madrileko Unibertsitate Autonomoan Geografia eta Historian lizentziatua, doktoregoa EHUn eskuratu zuen, 1990ean. Doktoregoa bukatu aurretik jada EHUn irakasle lanetan hasia, 1991z geroztik irakasle finkoa da bertako Historia Garaikidearen Departamentuan. Italian eta Estatu Batuetan ikertzaile bisitari lez zenbait egonaldi egina da: "Istituto Italo Germanico di Trento"-n (1988, 1989 eta 1990), Florentzako "Centro di Studi Per la Storia del Pensiero Giuridico Moderno"-n (1992), eta Texas-eko Unibertsitateko "Institute of Latin American Studies"-ean (2000-2001). Irakasle bisitari lez ere egin ditu egonaldiak, Espainiako eta Estatu Batuetako hainbat unibertsitatetan: Madrileko Unibertsitate Autonomoan (1999-2000), Georgetown-eko Unibertsitatean ("Príncipe de Asturias" irakasle lez; EEBB, Washington DC) (2001-2002), Nevadako Unibertsitatean (EEBB, Reno) (2002-2004) eta Santiago de Compostelako Unibertsitatean (2004tik aurrera).

Bere ikerketa ildo nagusia Espainiako lehen konstituzionalismoaren (1812) eta kultura politikoaren aspektuek osatzen dute, kasu askotan, Euskal Herriko testuingurua ikerketa esparrutzat hartuz; era berean, kultur esparru hispaniarreko autonomia eta independentzia prozesuak ere izan ditu ohiko aztergai (1808-1898). Zenbaitetan, Aro Berri berantiarrari dagozkion gaietan ere murgildu izan da, hau eta Aro Garaikidea bitartean gertatu ziren aldaera politiko eta sozialei begira. Hainbat ikerketa proiekturen baitan lan egin izan du; batzuek, oso iraupen luzekoak: "La monarquía española en la crisis de la conciencia europea" (Ministerio de Educación y Ciencia, 1995-1999), "Diccionario de términos políticos y sociales del siglo XIX" (Ministerio de Educación y Ciencia, 1997-1999), "El mundo atlántico como laboratorio conceptual (1750-1850). Hacia un Diccionario histórico del lenguaje político y social en Iberoamérica (Iberconceptos)" (Grupo Santander, 2004-2007), "Historia constitucional de España" (Ministerio de Educación y Ciencia, 1996-2010) eta "Autonomía y cultura política en el País Vasco" (Ministerio de Educación y Ciencia, 2002-2010).

Aldizkari espezializatuetako eta argitalpen kolektiboetako artikulu eta lanei dagokienez, beste argitalpen ugariren artean ondorengoak aipatu litezke (gehiegi ez luzatzeko, euskal gaiei loturikoak aintzatetsiz):

  • "Las provincias vascas y la guerra de la Convención: primer encuentro con la revolución". Studia Historica. Historia Moderna; XII. Salamanca: Universidad de Salamanca, 1994; 71-90 orr.
  • "Imaginación y representación de la nación española (el debate sobre la naturaleza de la representación nacional y la tentativa de Francisco Xavier Uriortua)". Anuario de Historia del Derecho Español; LXVIII. Madrid: Ministerio de Justicia, 1995, 267-320 orr.
  • "Locura cantábrica o la república en la monarquía. Percepción ilustrada de la constitución vizcaína". Anuario de Historia del Derecho Español; LXVII. Madrid: Ministerio de Justicia, 1998, 749-776 orr.
  • "La Crisis de la Monarquía". Non: FERNÁNDEZ ALBALADEJO, P. (arg.): Los Borbones. Dinastía y memoria de nación en la España del siglo XVIII. Madrid: Marcial Pons / Casa de Velázquez, 2001; 597-626 orr.
  • "El miedo a la Constitución. Por una historia posnacionalista de la identidad foral vasca". Claves de Razón Práctica; 133. Madrid: Grupo Prisa, 2003, 23-28 orr.
  • "How can a Modern History of the Basque Country Make Sense?". España Contemporánea: Revista de Literatura y Cultura; 18, 2. Columbus (Ohio) / Zaragoza: The Ohio State University / Universidad de Zaragoza, 2005, 53-74 orr.
  • "Repúblicas, comunidades perfectas y colonias. La crisis de la monarquía hispana como laboratorio conceptual". Historia Contemporánea; 28. Bilbo: EHU, 2004, 157-184 orr.
  • "De la monarquía católica a la Nación de los católicos". Historia y Política; 17. Madrid: Biblioteca Nueva, 2007, 17-35 orr.
  • "Libre e independiente. La nación como soberanía". Non: HERRERO, P.; ÁVILA, A. (arg.): Las experiencias de 1808 en Iberoamérica. Mexiko D.F. / Madrid: Universidad Nacional Autónoma de México / Universidad de Alcalá de Henares, 2008.

Gai eta kontzeptu politiko eta historikoei dagozkien hainbat boz ere idatzi izan ditu, L'illuminismo. Dizionario Storico (Roma-Bari: Laterza, 1997) eta Diccionario político y social del siglo XIX español (Madrid: Alianza Editorial, 2002) hiztegiendako.

Autore edo argitaratzaile izanagatik, hainbat liburu argitaratu dira bere izenpean:

  • Los poderes locales en la formación del régimen foral, Guipúzcoa, 1812-1850. Bilbo: EHU, 1987.
  • Monarquía y gobierno provincial. Gobierno y constitución en las provincias vascas, 1760-1808. Madrid: CEPC, 1990.
  • Constitución en España. Orígenes y destinos (J.Mª IÑURRATEGUIrekin batera arg.). Madrid: CEPC, 1997.
  • La nazione cattolica. Cadice 1812. Una costituzione per la Spagna. Roma-Manduria: Piero Lacaita editore, 1998.
  • Revolución de Nación. Orígenes de la cultura constitucional en España, 1780-1812. Madrid: CEPC, 2000.
  • Pueblos, Nación, Constitución (en torno a 1812) (B. CLAVERO eta M. LLORENTErekin batera). Gasteiz: Ikusager, 2004.
  • Sueño Criollo. El doble constitucionalismo en el País Vasco y Navarra. Donostia: Nerea, 2006.
  • Crisis Atlántica. Autonomía e Independencia en la crisis de la monarquía hispana. Madrid: Marcial Pons / Fundación Carolina, 2006.
  • Victorián de Villava. Itinerarios y circunstancias. Madrid: Doce Calles / Mapfre, 2009.

Gai guzti hauek jorratu eta eztabaidatzen, kongresu eta mahai-inguru askotan parte hartu izan du, Euskal Herrian, Espainian, Europan nahiz Amerikan zehar.