1973ko ekainaren 5ean Lezon jaiotako arraunlari gipuzkoarra. 1989an hasi zen kirol honetan, Pasai Donibaneko Atlético Koxtape klubean.
Bere palmaresari dagokionez, nabarmentzekoak dira Bañolasen brontzezko domina junior mailako Munduko Txapelketan (1991), Pie di Lucon brontzezkoa Italian (1992) eta Ganten zilarrezkoa Belgikan (1992). 1992an ere postu onak lortu zituen Parisen eta Lucernako Munduko Txapelketa "ofiziosoan", Eskoziako 23 urtez azpiko "match" seniorrean brontzea errepikatuz. 1992ko Bartzelonako Olinpiar Jokoetan parte hartzeko aukeratu zuten, "zortzi" modalitatean, hamalaugarren postua lortuz.
Luis Mari ZULAIKA ISASTI